🎁 Before you apply, rehearse this interview. Create your free WorkMundi account and get an Interview Training on HelpsYouSpeak — no cost, no card. I want my training →
ADI-ის შესახებ ციფრული ინდუსტრიის აკადემია (ADI) დაფუძნებულია თბილისში 2018 წელს. თავდაპირველად ადგილობრივი ინიციატივა იყო, რომელიც ერთ მნიშვნელოვან გამოწვევას პასუხებდა თანამედროვე, ციფრული უნარების მქონე პროფესიონალების ნაკლებობას. დღეს ADI Georgia ერთ-ერთი ყველაზე ცნობადი ციფრული განათლების დაწესებულებაა ქვეყანაში გამორჩეული პრაქტიკული მიდგომებით, პროფესიონალი მენტორებითა და კარიერაზე ორიენტირებული კურსებით. ჩვენ უკვე ათასობით ადამიანს მივეცით მარკეტინგის, დიზაინის, ვებ დეველოპმენტის, ხელოვნური ინტელექტის თუ სხვა თანამედროვე მიმართულებების სწავლის შესაძლებლობა. 2023 წელს ADI დამეგობრდა კომპანია Tether-თან, რათა ჩვენი მისია გლობალურ მასშტაბებზე გასულიყო და უფრო მეტ ადამიანს ჰქონოდა პრაქტიკული, კარიერაზე ორიენტირებული განათლების მიღების პერსპექტივა. ჩვენი ინდივიდუალური და მრავალმხრივი მიდგომა განათლებისადმი შლის დისციპლინებს შორის არსებულ ბარიერებს და ხელს უწყობს პროგრესული აზროვნების ჩამოყალიბებას. ჩვენი უნიკალური საგანმანათლებლო სისტემა შედგება პრაქტიკოსი ექსპერტებისგან მსოფლიოს წამყვან ბრენდებში, პროდუქტებსა და ორგანიზაციებში მუშაობის გამოცდილებით, და მათი ინტენსიური სასწავლო პროგრამებისგან. როლის მოკლე აღწერა ციფრული ინდუსტრიის აკადემია ეძებს გამოცდილ სოცმედია მენეჯერს, რომელსაც სურს თავისი პრაქტიკული ცოდნა გაუზიაროს სტუდენტებს. მენტორის მიზანია პროექტებზე დაფუძნებული სასწავლო გამოცდილების შექმნა, რაც დაეხმარება სტუდენტებს განივითარონ სტრატეგიული აზროვნება, კრეატიულობა და თავდაჯერებულობა სოციალური მედიის პლატფორმების პროფესიონალურად მართვაში. ძირითადი მოვალეობები ცოდნის გაზიარების, მენტორობის და სტუდეტებთან ურთიერთობის სურვილი; როგორც ონლაინ, ასევე ფიზიკურ გარემოში ვორქშოპების ჩატარება დეტალური სილაბუსის მიხედვით, რომელიც მოიცავს აქტიურ დისკუსიებს და პროექტის მოდელზე დაფუძნებულ სწავლებას; სწავლების პრაქტიკული მოდელის შექმნა საკუთარ გამოცდილებაზე დაყრდნობით - რეალური ქეისების გამოყენებით; სწავლების პროცესში სტუნდენტების მხარდაჭერა და წახალისება; ჩართულობის, პოზიტიური და ინკლუზიური გარემოს შექმნა სწავლების პროცესში; დარგის სიახლეების მუდმივი გაცნობა და სწავლების პროცესში უახლესი მიდგომების გამოყენება.